Mae’r daith gerdded hon tua milltir o hyd a bydd yn cymryd tua hanner awr i’w gwblhau. Mae’r daith hon yn mynd â chi o brif fynedfa Swyddfeydd y Cyngor ar hyd Marine Walk, o amgylch coetir Bodlondeb ac yn ôl i’r swyddfeydd.
Gall y llwybrau fod yn wlyb ac yn fwdlyd mewn rhai mannau felly rydym yn argymell eich bod yn gwisgo esgidiau ymarfer neu esgidiau cerdded da.
O’r brif fynedfa, dilynwch y llwybr tuag at y Tŷ Glöynnod Byw. Mae swyddfeydd cyngor Bodlondeb ar yr ochr dde.
Dilynwch y prif lwybr sy’n mynd heibio i’r Tŷ Glöynnod Byw ar eich ochr dde.
Ewch ymlaen ar hyd y llwybr ac yn union cyn y prif dro, trowch i fynd ar hyd y llwybr i’r chwith ac i fyny’r bryn. Unwaith y byddwch chi wedi cyrraedd pen y bryn, byddwch yn gallu gweld doc Deganwy ar draws yr afon gyda Y Faerdre dau gopa tu ôl iddo.
Dilynwch y llwybr i’r dde a chan edrych i’r chwith byddwch yn gweld y Gogarth a’r datblygiadau marina newydd.
Ewch ymlaen ar hyd y llwybr i’r chwith gan basio coed ffawydden aeddfed wych, gyda’u boncyffion llwyd esmwyth.
Gan ddilyn y llwybr wedi’i farcio, byddwch yn pasio lôn gelyn dywyll at ardal agored lle gwelir rhedyn, derw ifanc a bedwen arian. Wrth sefyll ar dop y bryn a wynebu’r gorllewin, gallwch weld Mynydd Conwy, gyda’i orchudd o grug piws a rhedyn gwyrdd.
Ewch ymlaen ar hyd y llwybr i fyny bryn bychan, a byddwch yn cyrraedd croesffordd gyda choed derw bytholwyrdd gwych ar yr ochr dde.
Trowch i’r chwith a cherdded yn groeslinol yn bennaf drwy binwydd yr Alban ac ychydig o goed derw bytholwyrdd nes i chi gyrraedd croesffordd arall.
Dilynwch y llwybr lawr o’r groesffordd nes i chi gyrraedd ffordd tarmac ac adeilad bychan am ar y dde. Dilynwch y prif lwybr o amgylch swyddfeydd y cyngor yn ôl at y brif fynedfa.
|
