Gan gychwyn o Swyddfa’r Gwasanaethau Cefn Gwlad wrth Bwll Dŵr Brickfields, cerddwch o amgylch y pŵll dwr yn groes i’r cloc, gan alw heibio’r amrywiol gerfluniau, yr adar a’r adar dŵr ar hyd y ffordd. Unwaith y cyrhaeddwch chi gornel chwith bellaf y pwll dŵr, cymerwch y llwybr ar y dde ichi, drwy’r giât mochyn ac allan i Stad Ddiwydiannol Cefndy, dilynwch y ffordd i lawr ac i’r dde tuag at Ffordd Cefndy.

Gan droi i’r chwith ar Ffordd Cefndy, cymerwch y llwybr troed yn syth ar y dde ichi, o amgylch cefn y Maes Carafanau. Gan ddilyn y llwybr troed byddwch yn croesi dros bont fechan, daliwch i fynd ymlaen, gan gymryd y llwybr i’r chwith ichi.

Dyma gychwyn taith gerdded gron lawn sy’n cynnwys Glan y Morfa. Wrth ichi gerdded ar hyd y llwybr byddwch yn dilyn Afon Clwyd i’r chwith ichi. Yna bydd y llwybr yn gwyro rownd i’r dde, ble byddwch yn dilyn cledrau’r trên ar yr ochr chwith ichi. Yna bydd y llwybr yn gwyro eto i’r dde, ble byddwch yn dal i fynd yn eich blaen, gan lanio’n ôl yn nechrau’r llwybr crwn. Cymerwch y llwybr yn ôl dros y bont fechan, gan fynd heibio’r maes carafanau, sydd ar y chwith ichi y tro hwn.

Unwaith y cyrhaeddwch chi Ffordd Cefndy trowch i’r dde ac yna i’r chwith ac i’r dde eto, yn ôl i lawr i bwll dŵr Brickfields. Ewch drwy’r giât mochyn, trowch i’r dde a dilyn y llwybr, gan gwblhau gweddill taith gerdded Pwll Dŵr Brickfields, yn ôl i’r man cychwyn.