Gan gychwyn wrth fynedfa’r Ganolfan Hamdden, dilynwch y ffordd i lawr, gan fynd drwy fynedfa’r Ysgol/Ganolfan Hamdden a throi i’r chwith.

Cerddwch ar hyd ochr y ffordd (’does dim palmant felly byddwch yn ofalus rhag y traffig sy’n dod o’r ddau gyfeiriad).

Trowch i’r dde a chroesi’r bont, gan droi i’r dde eto i fynd ar y llwybr ceffylau sy’n rhedeg wrth ochr y gamlas. Cerddwch ar hyd y gamlas, gan fynd o dan 2 bont.

Ar ôl yr 2il bont, trowch i’r chwith, gan gerdded yn ôl i’r cyfeiriad o ble daethoch i fyny’r allt i’r ffordd fawr.

Croeswch dros y ffordd a chymryd y ffordd sydd gyferbyn (Tower Road).

Dilynwch y ffordd yma ar i fyny nes y dewch chi i groesffordd.

Trowch i’r chwith i Ffordd Dinbren. Daliwch i fynd ymlaen i fyny’r ffordd, eto byddwch yn ymwybodol o’r traffig.

Wrth i’r ffordd wyro rownd i’r chwith fe welwch chi giât ar y dde. Cerddwch drwy’r giât a dal i fynd ymlaen i fyny’r cae tuag at y gamfa yng nghornel y cae (Nodwch os gwelwch yn dda fod y rhan yma o’r daith gerdded yn llethr serth).

Daliwch i fynd ymlaen dros y gamfa, gan gymryd y llwybr i’r dde ichi, gan ei ddilyn i fyny hyd nes cyrraedd darn gwastad o dir.

Daliwch i fynd ymlaen, i lawer yr allt, drwy’r giât, gan ddilyn y llwybr i lawr i faes parcio’r ysgol, a throi i’r dde, yn ôl i’r Ganolfan Hamdden.

Dewis arall byrrach gyda fawr ddim ar i fyny

Gan gychwyn wrth fynedfa’r Ganolfan Hamdden, dilynwch y ffordd i lawr, gan fynd drwy fynedfa’r Ysgol/Ganolfan Hamdden a throi i’r chwith.

Cerddwch ar hyd ochr y ffordd (’does dim palmant felly byddwch yn ofalus rhag y traffig sy’n dod o’r ddau gyfeiriad).

Trowch i’r dde a chroesi’r bont, gan droi i’r dde eto i fynd ar y llwybr ceffylau sy’n rhedeg wrth ochr y gamlas. Cerddwch ar hyd y gamlas, gan fynd o dan 2 bont.

Ar ôl yr 2il bont, trowch i’r chwith, gan gerdded yn ôl i’r cyfeiriad o ble daethoch i fyny’r allt i’r ffordd fawr. Croeswch dros y ffordd a chymryd y ffordd sydd gyferbyn (Tower Road).

Dilynwch y ffordd yma ar i fyny nes y dewch chi i groesffordd.

Trowch i’r dde i Ffordd Dinbren. Daliwch i fynd ymlaen gan fynd heibio Safle Pafiliwn Llangollen ar y dde ichi nes y byddwch yn ôl wrth fynedfa’r Ysgol / Ganolfan  Hamdden.

Trowch i’r chwith a dal i fynd ymlaen yn ôl i fyny i’r Ganolfan Hamdden.