Mae'r parc yng Nghefn Mawr sydd â golygfeydd hyfryd gan gynnwys traphont ddŵr fyd-enwog Pontcysyllte.
Disgrifiad
Cyfeiriadu:
Bydd llwybr cyfeiriadu parhaol yn dod i'r parc gwledig cyn bo hir. Bydd y llwybr yn dechrau yn y ganolfan ymwelwyr ac yn mynd heibio i'r colomendy coffaol a'r draphont ffordd ar hyd y llwybr ar lan yr afon Dyfrdwy i gyrraedd y draphont ddŵr yn y pen draw. Bydd y llwybr yn eich arwain trwy gefn gwlad prydferth ac at olygfeydd hyfryd o'r cefn gwlad cyfagos. Bydd mapiau cyfeiriadu ar gael o'r ganolfan ymwelwyr. Bydd angen pin a phensil arnoch i gofnodi'r wybodaeth ar y llwybr.
Cerdded:
Mae taith gerdded barhaol yn Nhŷ Mawr sydd â golygfeydd gwych o'r cefn gwlad. Mae'r daith yn dechrau yn y ganolfan ymwelwyr. Wrth adael y ganolfan ymwelwyr trowch i'r dde ac ar ôl 50 metr trowch i'r dde eto i lawr y lôn. Bydd y llwybr hwn yn mynd â chi heibio i'r colomendy coffaol a'r draphont ffordd.
Dilynwch y llwybr ar hyd glan yr afon am hanner milltir. Cyn i'r llwybr droi i'r dde i fynd i fyny'r allt, trowch i'r chwith i lawr y grisiau ar hyd y llwybr pren. Dilynwch lwybr yr afon Dyfrdwy am dri chwarter milltir nes i chi gyrraedd y draphont ddŵr.
Ar ôl cyrraedd gwaelod y draphont ddŵr, ewch i fyny'r grisiau a throwch i'r chwith o dan fwa'r draphont ddŵr.
Ar ôl cyrraedd y ffordd, cerddwch i'r chwith i lawr yr allt gan droi i'r chwith dros Y Bont. Dilynwch y ffordd am dri chwarter milltir cyn cymryd y troad cyntaf i'r chwith ar hyd llwybr tynnu'r gamlas.
Ar ôl cyrraedd y gamlas, trowch i'r chwith a dilynwch lwybr tynnu'r draphont ddŵr. Croeswch y draphont ddŵr ac ewch ar hyd y llwybr ar yr ochr dde a dychwelwch ar hyd y llwybr ar lan yr afon.
Wrth ddychwelyd i'r parc trowch i'r chwith a cherddwch i fyny'r allt i'r ganolfan ymwelwyr.
|
