Mae'r llwybr beicio'n dechrau o Ganolfan Chwaraeon a Hamdden Rhiwabon. Trowch i'r chwith ar hyd Ffordd Pont Adam / Stryd yr Eglwys a dilynwch y ffordd hon ar hyd y bont nes i chi gyrraedd arwydd 'Ildiwch'. Trowch i'r chwith ar hyd Stryd Fawr Rhiwabon. Dilynwch y ffordd hon yr holl ffordd trwy'r pentref nes i chi gyrraedd y B5428 Ffordd Bangor. Dilynwch y ffordd dros y bont reilffordd trwy'r pentref nes i chi gyrraedd Ffordd Llys Newydd. Dilynwch Ffordd Llys Newydd nes i chi gyrraedd y Stryd Fawr. O'r Stryd Fawr gallwch ddychwelyd ar hyd y llwybr beicio yn ôl i Stryd yr Eglwys a Phont Adam i gyrraedd y Ganolfan Chwaraeon.
Mae'r llwybr yn mynd ar hyd priffordd felly cofiwch gadw'n ddiogel bob amser wrth feicio ar hyd y llwybr hwn. Gwisgwch ddillad adlewyrchol a fflwroleuol sy'n addas ar gyfer y tywydd a'r amser er mwyn helpu defnyddwyr eraill y ffordd i'ch gweld. Gwisgwch helmed feicio bob amser i atal anafiadau i'ch pen. Dylech amnewid unrhyw helmedi sydd wedi'u difrodi er mwyn cael yr amddiffyniad gorau posibl. |