Wrth adael y maes parcio, trowch i’r chwith, cerdded pellter byr a throi i’r chwith eto yn yr arosfan bysiau.
Dilynwch y lôn i lawr i’r ffordd ac yna i’r chwith i’r Kinmel Arms, croesi’r ffordd a cherdded i fyny’r allt, a chymryd amser i fwynhau’r bae bach hyfryd hwn.
Ym mhen yr allt trowch i’r dde a dilynwch y llwybr at dy’r bad achub. Cymerwch amser i ddarllen yr wybodaeth yma ac os bydd ar agor, cymerwch olwg ar y bad achub.
Ewch ymlaen ar hyd y llwybr i’r traeth a cherdded ar hyd y traeth am oeddeutu 100 metr, ar y dde yn union oddi ar yr arfordir mae Ynys Moelfre.
Dilynwch y llwybr o amgylch pen y clogwyn ac edrychwch ar yr wybodaeth ynghylch suddo’r Hindlea ym mis Hydref 1959. Ewch ymlaen ar hyd llwybr pen y clogwyn i’r giât ar y chwith, ewch drwy hyn a cherddwch i fyny’r cae i Lôn Trem y Don.
Ar ddiwedd y lôn hon trowch i’r chwith a cherdded y pellter byr i’r ‘Wylfan’. Ewch i mewn ac edrychwch ar y palp o wybodaeth sydd yna am y môr a Moelfre.
Gadewch y ganolfan a cherdded tuag at y môr heibio i gerflun ardderchog y diweddar Dick Evans, Llywiwr Cwch y bad achub am lawer o flynyddoedd. Yma ailymunwch â llwybr yr arfordir ac olrhain eich ffordd yn ôl i’r maes parcio.
|
